चंद्रपूर जिल्ह्यातील शेतकऱ्यांसाठी पुण्यश्लोक अहिल्यादेवी होळकर शेतकरी कर्जमुक्ती योजना २०२६ ची प्रक्रिया वेगाने सुरू आहे. राज्यात २२ जुलै रोजी पहिली प्रातिनिधिक यादी जाहीर झाली. त्यात चंद्रपूरचा समावेश नव्हता.
चंद्रपूर जिल्ह्यात बँकांकडून पात्र शेतकऱ्यांची माहिती गोळा करण्यात आली आहे. स्थानिक पातळीवर याद्या उपलब्ध होत आहेत. शेतकऱ्यांनी आता आपले नाव तपासून आधार प्रमाणीकरण पूर्ण करावे.
महत्त्वाची माहिती
- चंद्रपूर जिल्ह्याचा पहिल्या कर्जमाफी यादीत समावेश नाही
- स्थानिक कार्यालयात यादी तपासता येते
- आधार प्रमाणीकरण अनिवार्य
- रक्कम थेट कर्ज खात्यात जमा होईल
- टप्प्याटप्प्याने पूर्ण याद्या येणार
महाराष्ट्र राज्य कर्ज माफी योजनेचे स्वरूप काय आहे
महाराष्ट्र शासनाने ही योजना शेतकऱ्यांना दिलासा देण्यासाठी आणली आहे. १ एप्रिल २०१९ ते ३१ मार्च २०२५ दरम्यान घेतलेल्या अल्पमुदत पीक कर्जासाठी ती लागू होते.
३० सप्टेंबर २०२५ पर्यंत थकीत आणि ३१ मार्च २०२६ पर्यंत न फेडलेले कर्ज पात्र आहे. दोन लाख रुपयांपर्यंत मुद्दल व व्याज माफ होते. जमीन धारणेची मर्यादा नाही.
| बाब | माहिती |
|---|---|
| योजनेचे नाव | पुण्यश्लोक अहिल्यादेवी होळकर शेतकरी कर्जमुक्ती योजना २०२६ |
| कर्ज कालावधी | १ एप्रिल २०१९ ते ३१ मार्च २०२५ |
| थकबाकी तारीख | ३० सप्टेंबर २०२५ पर्यंत थकीत |
| माफी मर्यादा | दोन लाख रुपये (मुद्दल + व्याज) |
| प्रोत्साहन अनुदान | जास्तीत जास्त ५० हजार रुपये |
| अर्ज पद्धत | स्वतंत्र अर्ज नाही, बँक यादीनुसार |
दोन लाखांपेक्षा जास्त कर्ज असल्यास उर्वरित रक्कम ३१ मार्च २०२७ पर्यंत भरावी लागेल. त्यानंतर दोन लाख माफी मिळेल. नियमित कर्ज फेडणाऱ्यांना प्रोत्साहन अनुदान मिळते.
चंद्रपूर जिल्ह्यात यादी कशी तपासावी
जर तुम्ही चंद्रपूर जिल्ह्याचे नागरिकास असाल आणि तुम्ही कर्जमाफी प्रक्रियेची वाट बघत असाल तर प्रथम कर्जमाफी संदर्भात मोबाईलवर एसएमएस येण्याची वाट पहा. पात्र असल्यास आधार प्रमाणीकरणाची लिंक येते. लिंकवर क्लिक करून काम पूर्ण करा.
गावातील ग्रामपंचायत कार्यालयात जाऊन यादी पाहता येते. तलाठी कार्यालयातही चौकशी करता येते. बँक शाखेत कर्ज खाते क्रमांक सांगून स्थिती विचारता येते. आपले सरकार सेवा केंद्रात जाऊनही माहिती मिळते.
ऑनलाइन पूर्ण नामनिहाय यादी अद्याप सार्वजनिक वेबसाइटवर उपलब्ध नाही. त्यामुळे स्थानिक स्तरावर तपासणेच योग्य आहे.
कर्जमाफी यादीत नाव आल्यानंतर काय करावे
जर तुम्हाला तुमचे नाव यादीत दिसले की लगेच जवळच्या आपले सरकार केंद्रात जा. आधार कार्ड, बँक पासबुक आणि मोबाईल नंबर सोबत ठेवा. प्रमाणीकरण झाल्यावर डीबीटीद्वारे कर्ज खात्यात रक्कम जमा होते.
AgriStack नोंदणी नसल्यास तेही पूर्ण करा. कागदपत्रे अपूर्ण असल्यास तलाठी किंवा बँक शाखेत मदत घ्या. कर्जमाफी प्रक्रिया पूर्ण झाल्यावर पुढील नवीन पीक कर्ज घेता येईल.
चंद्रपूर जिल्हा कर्जमाफी यादी मध्ये नाव नसल्यास घाबरू नका. याद्या टप्प्याटप्प्याने येत आहेत. बँकेत किंवा सहकार कार्यालयात चौकशी करा.
चंद्रपूर शेतकऱ्यांसाठी पुढील टप्पा
पहिली यादी फक्त काही जिल्ह्यांसाठी होती. चंद्रपूरसह इतर जिल्ह्यांच्या याद्या पुढील टप्प्यात येणार आहेत. राष्ट्रीयकृत बँका आणि खाजगी बँकांच्या याद्याही क्रमाने प्रसिद्ध होतील.
शेतकऱ्यांनी आपली माहिती बँकेत अद्ययावत ठेवावी. KYC प्रक्रिया पूर्ण असावी. यामुळे रक्कम जमा होण्यास विलंब होणार नाही. सरकारने पारदर्शक पद्धतीने प्रक्रिया राबवली आहे.
वारंवार विचारले जाणारे प्रश्न
प्र. चंद्रपूर जिल्ह्यातील यादी कुठे दिसेल?
उ. ग्रामपंचायत, बँक शाखा आणि आपले सरकार केंद्रात उपलब्ध आहे. ऑनलाइन पूर्ण नामनिहाय यादी अद्याप जाहीर झालेली नाही.
प्र. पहिल्या यादीत नाव नसेल तर?
उ. पुढील याद्या येण्याची वाट पहा. बँकेत किंवा सहकार कार्यालयात चौकशी करा.
प्र. आधार प्रमाणीकरण कुठे करावे?
उ. जवळच्या आपले सरकार सेवा केंद्रात किंवा एसएमएस लिंकवरून. शक्यतो आपले सरकार सेवा केंद्रातूनच आधार प्रमाणीकरण प्रक्रिया पूर्ण पार पाडा.
प्र. कर्जमाफी रक्कम कधी जमा होईल?
उ. आधार प्रमाणीकरण पूर्ण झाल्यावर डीबीटीद्वारे कर्ज खात्यात जमा होते.
स्रोत
- कर्जमुक्तीची पहिली यादी जाहीर! ५३३ पात्र शेतकऱ्यांना मिळाला लाभ – लोकमत
- पुण्यश्लोक अहिल्यादेवी होळकर शेतकरी कर्जमुक्ती योजना २०२६ शासन निर्णय – महाराष्ट्र शासन
- Farm Loan Waiver: कर्जमाफी योजनेची प्रत्यक्ष अंमलबजावणी सुरु – ॲग्रोवन
