छत्रपती संभाजी नगर मधील शेतकरी विविध कारणांमुळे कर्जामध्ये अडकलेला आहे आणि अशा शेतकऱ्यांना या संकटातून बाहेर काढण्यासाठी कर्जमुक्ती योजना सुरू झाली आहे. पुण्यश्लोक अहिल्यादेवी होळकर शेतकरी कर्जमुक्ती योजना २०२६ अंतर्गत छत्रपती संभाजीनगर जिल्ह्यातील शेतकऱ्यांसाठी मोठी अपेक्षा आहे. छत्रपती संभाजीनगर जिल्ह्यात सुमारे १ लाख ८० हजार १७६ खातेदार शेतकरी कर्जमुक्तीसाठी पात्र ठरले आहेत.
२२ जुलै २०२६ रोजी राज्यात पहिली प्रातिनिधिक यादी जाहीर झाली. त्यात फक्त सात जिल्ह्यांच्या जिल्हा मध्यवर्ती सहकारी बँकांचे ५५३ शेतकरी होते. छत्रपती संभाजीनगरचा त्यात समावेश नव्हता. तरीही संभाजीनगर जिल्ह्यातील कर्जमाफी याद्या टप्प्याटप्प्याने येत आहेत आणि स्थानिक स्तरावर तपासणी सुरू आहे.
महत्त्वाची माहिती
- छत्रपती संभाजीनगर जिल्ह्यात सुमारे १.८० लाख शेतकरी पात्र
- एकूण कर्जमुक्तीचा अंदाज सुमारे १६३२ कोटी रुपये
- पहिल्या राज्यस्तरीय यादीत जिल्ह्याचा समावेश नाही
- याद्या ग्रामपंचायत, बँक आणि आपले सरकार केंद्रात उपलब्ध
छत्रपती संभाजीनगर जिल्ह्यात किती शेतकरी पात्र आहेत?
जुलै २०२६ च्या सुरुवातीला जिल्हा प्रशासनाने दिलेल्या माहितीनुसार १ लाख ८० हजार १७६ खातेदार शेतकरी या योजनेसाठी पात्र आहेत. यामध्ये थकबाकीदार आणि नियमित कर्ज फेडणारे दोन्ही प्रकारचे शेतकरी येतात.
संभाजीनगर जिल्ह्यात पीक कर्ज घेतलेल्या शेतकऱ्यांची संख्या मोठी आहे. त्यामुळे कर्जमुक्तीचा लाभही मोठ्या प्रमाणात मिळणार आहे. बँकांकडून याद्या गोळा करण्याचे काम पूर्ण झाले असून आता प्रमाणीकरणाची प्रक्रिया सुरू आहे.
पहिल्या कर्जमाफी योजना यादी मध्ये नाव नसल्याने शेतकरी चिंता करतात. पण याद्या टप्प्याटप्प्याने येत आहेत. जिल्हा मध्यवर्ती सहकारी बँक आणि इतर बँकांच्या याद्या लवकरच प्रसिद्ध होतील.
संभाजीनगर कर्जमाफी यादी कशी तपासावी?
| ठिकाण | कसे तपासावे |
|---|---|
| ग्रामपंचायत कार्यालय | गावातील यादी पहा |
| तलाठी कार्यालय | ७/१२ उताऱ्यासह चौकशी |
| जिल्हा मध्यवर्ती सहकारी बँक | कर्ज खाते क्रमांकाने तपासा |
| आपले सरकार सेवा केंद्र | आधार कार्ड घेऊन जा |
| मोबाईल एसएमएस | पात्र असल्यास लिंक येते |
सर्वात सोपा मार्ग म्हणजे मोबाईलवर येणारा एसएमएस. पात्र शेतकऱ्यांना आधार प्रमाणीकरणासाठी लिंक पाठवली जाते. त्यावर क्लिक करून OTP किंवा बायोमेट्रिकने काम पूर्ण करा. परंतु जर तुम्हाला एसएमएस आला असेल तर आपले सरकार सेवा केंद्र मध्ये जाऊन प्रक्रिया पार पाडणे सोपे आणि जलद काम ठरेल.
ऑनलाइन पोर्टलवरही माहिती येईल. सध्या पूर्ण नामनिहाय यादी सार्वजनिक वेबसाइटवर उपलब्ध नाही. त्यामुळे स्थानिक कार्यालयात जाऊन तपासणेच योग्य आहे. जिल्हा परिषद छत्रपती संभाजीनगरच्या वेबसाइटवरही योजनेची माहिती दिली आहे.
संभाजीनगर कर्जमाफी यादीत नाव आल्यानंतर काय करावे?
संभाजीनगर कर्जमाफी यादीत नाव दिसले तर लगेच जवळच्या आपले सरकार केंद्रात जा. आधार कार्ड, बँक पासबुक आणि मोबाईल नंबर सोबत ठेवा. प्रमाणीकरण पूर्ण झाल्यावर डीबीटीद्वारे कर्ज खात्यात रक्कम जमा होते.
जर तुमच्याकडे फार्मर आयडी नसेल तर तुम्हाला तो काढावा लागेल. AgriStack नोंदणी नसल्यास तेही तिथेच पूर्ण करता येते. कागदपत्रे अपूर्ण असल्यास तलाठी किंवा बँक शाखेत मदत घ्या. प्रक्रिया पूर्ण झाल्यावर नवीन पीक कर्ज सहज मिळू शकते.
जर तुमचे नाव संभाजीनगर कर्जमाफी योजनेच्या यादीमध्ये नसेल तर काही काळ वाट बघा आणि त्यानंतर बँक शाखेत किंवा सहकार कार्यालयात चौकशी करा. तक्रार असल्यास जिल्हास्तरीय यंत्रणेत अर्ज करता येतो.
पुढील याद्या आणि प्रक्रिया कशी असेल?
पहिली राज्यस्तरीय यादी फक्त काही जिल्ह्यांच्या जिल्हा बँकांसाठी होती. छत्रपती संभाजीनगरसह इतर जिल्ह्यांच्या याद्या पुढील टप्प्यात येणार आहेत. राष्ट्रीयकृत बँका आणि खाजगी बँकांच्या याद्याही क्रमाने प्रसिद्ध होतील.
शेतकऱ्यांनी आपली माहिती बँकेत अद्ययावत ठेवावी. KYC प्रक्रिया पूर्ण असावी. यामुळे रक्कम जमा होण्यास विलंब होणार नाही. सरकारने पारदर्शक पद्धतीने प्रक्रिया राबवली आहे.
जिल्ह्यात सुमारे १.८० लाख शेतकरी पात्र असल्याने लाभ मोठ्या प्रमाणात मिळेल. नियमित कर्ज फेडणाऱ्यांना प्रोत्साहन अनुदानही मिळू शकते.
स्रोत
- Farm Loan Waiver: छत्रपती संभाजीनगर जिल्ह्यातील १.८० लाख शेतकरी कर्जमुक्तीस पात्र – ॲग्रोवन
