पुण्यश्लोक अहिल्यादेवी होळकर शेतकरी कर्जमुक्ती योजना 2026 | Maharashtra Shetkari Karjmafi Yojana Apply online, List PDF, Website, Status & Eligibility

खालील विभागांवर क्लिक करून थेट माहिती मिळवा:

• योजनेबद्दल थोडक्यात
• योजनेचे लाभ
• पात्रता निकष
• एक वेळ समझोता निकष
• प्रोत्साहन अनुदान निकष
• महत्त्वाचे निकष
• अपात्रता निकष
• शेतकऱ्यांनी काय करावे
• अधिकृत शासन निर्णय (GR)
• सर्वाधिक विचारले जाणारे प्रश्न

महाराष्ट्र राज्य मधील शेतकऱ्यांना कर्जमाफीचा लाभ मिळावा यासाठी पुण्यश्लोक अहिल्यादेवी होळकर शेतकरी कर्जमुक्ती योजना 2026 सुरू करण्यात आलेली आहे. यासाठीचा अधिकृत शासन निर्णय निर्गमित करण्यात आलेला आहे आणि पात्र शेतकऱ्यांना यामध्ये दोन लाख रुपयांपर्यंतची कर्जमाफी मिळणार आहे.

राज्यातील शेतकऱ्यांचे निसर्गाच्या लहरीपणामुळे मोठे नुकसान होते. अनियमित पाऊस, दुष्काळ, गारपीट तसेच अतिवृष्टी आणि इतर नैसर्गिक आपत्तीमुळे अनेक वेळा पिकांचे नुकसान होते आणि अशा परिस्थितीमध्ये शेतकरी कर्जाची परतफेड करू शकत नाही. असे शेतकरी कर्ज असल्यामुळे परत कर्ज घेऊ शकत नाहीत त्यामुळे शेतीचे मोठे नुकसान होते.

शेतकऱ्यांवरचा कर्जाचा बोजा कमी व्हावा यासाठी वेळोवेळी विविध प्रयत्न करण्यात आले आहेत. 2017 मध्ये छत्रपती शिवाजी महाराज शेतकरी सन्मान योजना, 2019 मध्ये महात्मा ज्योतिराव फुले शेतकरी कर्जमुक्ती योजना आणि 2022 मध्ये प्रोत्साहन पर लाभ देण्यात आला होता.

महाराष्ट्र राज्य शासनाकडून दोन वर्षांपासून प्रतीक्षा असलेली पुण्यश्लोक अहिल्यादेवी होळकर शेतकरी कर्जमुक्ती योजना सुरू करण्यात आली आहे. यासाठी बँकांकडून यादी मागवण्यात येत आहे. ज्या शेतकऱ्यांचे दस्तावेज अपुरे असतील त्यांना संबंधित दस्तावेज बँकेच्या शाखेत जमा करण्याचे आवाहन करण्यात येत आहे.

पुण्यश्लोक अहिल्यादेवी होळकर शेतकरी कर्जमुक्ती योजनेअंतर्गत कर्जमाफी देण्याकरिता राज्य शासनाकडून महत्त्वाचे तीन निकष ठेवण्यात आलेले आहेत: कर्जमाफी, वन टाइम सेटलमेंट तसेच प्रोत्साहन पर अनुदान.

महाराष्ट्र शेतकरी कर्जमाफी 2026 अंतर्गत कर्जमाफी योजनेचा लाभ मिळवण्याकरता तुम्हाला काही पात्रता निकष पार पाडणे गरजेचे आहे. निकष पूर्ण असतील तर तुम्हाला या योजनेचा लाभ मिळेल.

1. ज्या शेतकऱ्यांनी 01 एप्रिल 2019 ते 31 मार्च 2025 पर्यंत अल्पमुदत पीककर्ज किंवा पीककर्जाचे पुनर्गठन/फेरपुनर्गठन करून मध्यम मुदत पीक कर्ज घेतलेले असेल आणि ते कर्ज 30 सप्टेंबर 2025 पर्यंत थकीत असेल, तसेच 31 मार्च 2026 पर्यंत परतफेड झालेली नसेल आणि सर्व बँक खात्यांवरील एकूण पीककर्जाची रक्कम दोन लाख रुपयांपर्यंत असेल, तर अशा शेतकऱ्यांना संपूर्ण दोन लाख रुपयांच्या कर्जमाफीचा लाभ मिळणार आहे. (कर्जाची एकूण रक्कम म्हणजे मुद्दल तसेच व्याज पकडून दोन लाखांपर्यंत). यासाठी जमीन धारणा लक्षात न घेता लाभ मिळणार.
2. ज्या शेतकऱ्यांना 2019 च्या महात्मा ज्योतिराव फुले शेतकरी कर्जमुक्ती योजना 2019 चा लाभ मिळालेला असेल आणि संबंधित शेतकऱ्यांचे अल्पमुदत तसेच पीककर्जाच्या पुनर्गठनाची एकूण रक्कम 50 हजार रुपयांपर्यंत असेल, तर अशा शेतकऱ्यांना अधिकतम पन्नास हजार रुपयांपर्यंत कर्जमाफीचा लाभ मिळेल.

ज्या शेतकऱ्यांचे एकत्रित कर्ज दोन लाखांपेक्षा जास्त आहे अशा शेतकऱ्यांसाठी शासनाने एक वेळ समझोता निकष निर्धारित केलेले आहेत.

1. महाराष्ट्र राज्यातील ज्या शेतकऱ्यांनी 01 एप्रिल 2019 ते 31 मार्च 2025 पर्यंत अल्पमुदत तसेच पुनर्गठन/फेरपुनर्गठन मध्यम मुदत पीककर्ज घेतलेले असेल, संबंधित कर्ज 30 सप्टेंबर 2025 पर्यंत थकीत असेल आणि 31 मार्च 2026 पर्यंत परतफेड झालेली नसेल, तसेच कर्जाची एकूण रक्कम दोन लाखांपेक्षा जास्त असेल, तर अशा शेतकऱ्यांना 31 मार्च 2027 पर्यंत दोन लाखांवरील उर्वरित सर्व कर्ज भरावे लागेल.
2. जे शेतकरी दोन लाखांवरील कर्ज 31 मार्च 2027 पर्यंत परतफेड करतील अशा शेतकऱ्यांना वन टाइम सेटलमेंट अंतर्गत दोन लाख रुपयांपर्यंतच्या कर्जमाफीचा लाभ मिळेल.
3. ज्या शेतकऱ्यांना 2019 च्या कर्जमाफीचा लाभ मिळालेला आहे आणि त्यांनी 31 मार्च 2025 पर्यंत परत कर्ज घेतलेले असेल आणि कर्जाची एकूण रक्कम 50 हजारांपेक्षा जास्त असेल, तर संबंधित शेतकऱ्याला पन्नास हजारांवरील सर्व थकबाकी 31 मार्च 2027 पर्यंत परतफेड करावी लागेल आणि त्यानंतर त्यांना पन्नास हजार रुपयांच्या कर्जमाफीचा लाभ मिळेल.

महाराष्ट्र राज्यातील जे शेतकरी नेहमीच कर्जाची परतफेड करतात अशा शेतकऱ्यांना लाभ मिळावा तसेच त्यांच्यावर अन्याय होऊ नये यासाठी राज्य शासनाकडून प्रोत्साहन अनुदान देण्यात येणार आहे. संबंधित अनुदानाची रक्कम जास्तीत जास्त पन्नास हजार रुपये असेल.

1. ज्या शेतकऱ्यांनी 2022-23, 2023-24, 2024-25 या तीन आर्थिक वर्षांपैकी दोन वर्ष कर्ज घेऊन कर्जाची परतफेड केलेली असेल अशा शेतकऱ्यांना प्रोत्साहन अनुदान देण्यात येईल. परंतु सन 2025-26 तसेच 2026-27 मध्ये कर्ज घेतलेले असल्यास कर्जाची वेळेत परतफेड करणे गरजेचे आहे.
2. सन 2023-24 अथवा 2024-25 कर्ज घेतलेल्या आणि कर्जाची एकूण रक्कम ₹50,000 पेक्षा कमी असलेल्या शेतकऱ्यांसाठी किमान ₹5,000 चे प्रोत्साहन अनुदान देण्यात येईल.

• शेतकऱ्यांचे आधार प्रमाणीकरण असणे गरजेचे आहे.
• संबंधित शेतकऱ्यांनी Agristack फार्मर पोर्टल वर नोंदणी करणे गरजेचे आहे.
• ज्या शेतकऱ्यांना कर्जमुक्तीचा लाभ मिळेल अशा शेतकऱ्यांना प्रोत्साहन अनुदान मिळणार नाही.
• योजनेमध्ये लाभ देत असताना वैयक्तिक शेतकरी पात्र असतील.
• राष्ट्रीयकृत बँक, खाजगी बँक, प्रादेशिक ग्रामीण बँक, जिल्हा मध्यवर्ती सहकारी बँक तसेच प्राथमिक शेतकरी पत पुरवठा सहकारी संस्थांकडून कर्ज घेतलेल्या शेतकऱ्यांना लाभ मिळेल.

पुण्यश्लोक आहिल्यादेवी होळकर शेतकरी कर्जमुक्ती योजनेमधून खालील व्यक्तींना वगळण्यात येणार आहे:

• महाराष्ट्र राज्यातील विद्यमान तसेच भूतपूर्व मंत्री/राज्यमंत्री, लोकसभा/राज्यसभा/विधानसभा/विधान परिषद सदस्य आणि जिल्हा परिषद/नागरी संस्थांचे सदस्य.
• केंद्रशासन तसेच राज्य शासनाचे कर्मचारी ज्यांचे मासिक वेतन ₹25,000 पेक्षा जास्त असेल.
• महाराष्ट्र राज्य सार्वजनिक क्षेत्रातील उपक्रम (ST महामंडळ, महावितरण इ.) व अनुदानित संस्थांचे कर्मचारी ज्यांचे वेतन ₹25,000 पेक्षा जास्त.
• शेतीबाह्य उत्पादनातून आयकर भरणारी व्यक्ती.
• माजी सैनिक वगळता निवृत्तीवेतन धारक व्यक्ती ज्यांचे मासिक पेन्शन ₹25,000 पेक्षा जास्त असेल.
• कृषी उत्पन्न बाजार समिती, सहकारी साखर कारखाना, सहकारी सुतगिरणी, नागरी/जिल्हा/राज्य सहकारी बँक, सहकारी दूध संघ यांचे पदाधिकारी, अध्यक्ष, उपाध्यक्ष, संचालक व कर्मचारी ज्यांचे वेतन ₹25,000 पेक्षा जास्त. (कंत्राटी कर्मचारी पात्र)

जर तुम्ही पुण्यश्लोक अहिल्यादेवी होळकर शेतकरी कर्जमुक्ती योजनेमध्ये पात्र असाल तर खालील पायऱ्या फॉलो करा:

महाराष्ट्र राज्यातील शेतकऱ्यांना कर्जमुक्त बनवण्यासाठी मुख्यमंत्री देवेंद्र फडणवीस तसेच दोन्ही उपमुख्यमंत्री यांच्या अध्यक्षतेखाली अधिकृत शासन निर्णय निर्गमित करण्यात आला आहे.